Јавните претпријатија и изборите

Парите од железница се трошеле во кампања

Околу 20.000 евра потрошило Јавното претпријатие „Македонски железници“ за парламентарните избори во 2002 година, кога по налог на тогашното раководство се правени и поправани патишта за време на кампањата, вклучително и на 15 септември, денот кога се одржаа изборите, покажуваат документите до кои дошло „Време“.

Парите се потрошени за 15 дена, од крајот на август до 16 септември 2002 година. Трошењето е противзаконско, бидејќи парите на јавните претпријатија не смеат да се трошат за изборни цели.