Србија со кандидатски статус во ЕУ ... пред МК ?! ... За нашите главни пречки за ЕУ интегрирањето ...

Се слушаат гласини дека Србија може набрзо да добие кандидатски статус за ЕУ ... веројатно за да омекне ставот на Србија према Косово ...

Брисел - Италијанскиот премиер Романо Проди деновиве побара Србија да добие кандидатски статус, по брза патека, ако ги исполни условите што се бараат од неа. Дали е тоа фер спрема Македонија, кога е постојано под притисок да ги исполни стандардите на ЕУ? .

Се погласни се ваквите шпекулации ... а за нас се вели дека стално влегуваме во нови невољи со решавањето на барањата на Албанците во МК ...

Дорис Пак вака коментира за нашите проблеми со приемот во ЕУ:

- Проблемите на Македонија се познати, како и постигнувањата.
- Најтешка е ситуацијата во судството, борбата против криминалот и корупцијата, како и околу административниот капацитет, кој треба да биде подобрен.
- За проблемот на кохабитацијата таа вели: Тоа е проблем што не сакам да го видам во Македонија. Многу често претседателот и премиерот не се од иста партија. Гледајте ја Хрватска. И тие не се од иста партија. Тие мора да работат за доброто на земјата, да престанат да се критикуваат и да се навредуваат меѓусебно.

- Зошто е толку спор процесот на ЕУ интегрирањето на МК, пак вели: Не можат да судам однадвор. Но, вие загубивте време поради меѓуетничките проблеми. Се' уште го исполнувате Охридскиот договор и секогаш има нови проблеми во врска со тоа во парламентот, меѓу најголемата опозициона партија и Владата. Вие имате проблеми со кои не се соочуваат другите нации. Прашањето за еднакви права на Албанците во Македонија е големо прашање. Тоа беше прашање и во 1992, 1993 и во 1994 година... Ние од Европскиот парламент уште тогаш велевме - внимавајте, погрижете се Албанците да станат рамноправни граѓани на земјата. Потоа, видовте што се случи, а сега го имаме Охридскиот договор, кој беше потпишан од сите и треба да се исполни. Но, од друга страна, јас секогаш велам дека и Албанците треба да останат во рамката на Охридскиот договор и да не бараат повеќе од тоа што го предвидува тој. Така, двете заедници во Македонија имаат своја одговорност за напредокот и треба да работат заедно, без да ги претвораат сите проблеми во меѓуетнички.